Европа има гориво за авиони можеби уште за шест 6 недели, изјави шефот на Меѓународната агенција за енергија во интервју за Асошиејтед Прес, предупредувајќи на можни откажувања на летови „наскоро“ ако снабдувањето со нафта остане блокирано од војната во Иран.
Извршниот директор на ИЕА, Фатих Бирол, наслика отрезнувачка слика за глобалните последици од она што го нарече „најголемата енергетска криза со која некогаш сме се соочиле во историјата“, што произлегува од намалувањето на нафтата, гасот и другите витални резерви преку Ормутскиот теснец.
Влијанието ќе биде „повисоки цени на бензинот, повисоки цени на гасот, високи цени на електричната енергија“, изјави Бирол за АП.
Економската болка ќе се чувствува нееднакво, при што некои земји „ќе бидат полошо погодени од другите“, рече тој, именувајќи ги Јапонија, Кореја, Индија, Кина, Пакистан и Бангладеш како на првата линија на енергетската криза.
„Потоа ќе дојде до Европа и Америка“, додаде тој, зборувајќи од неговата канцеларија во Париз со поглед кон Ајфеловата кула.
Доколку Ормускиот теснец не се отвори повторно, тој рече дека за Европа „можам да ви кажам дека наскоро ќе ја слушнеме веста дека некои од летовите од градот А до градот Б може да бидат откажани поради недостаток на гориво за авиони“.
- „Ако продолжи вака, ако не можеме да најдеме решение, имено отворање на Ормускиот теснец, можеби ќе видиме дека некои од производите, нафтените производи, можеби ќе отсуствуваат на пазарите“, додаде тој.
- „Во Европа сме, ни остануваат можеби 6 недели гориво за авиони. Ако не можеме да го отвориме Ормутскиот теснец, ако рафинериите како резултат на тоа престанат да работат, можам да ви кажам дека наскоро ќе слушнеме вест дека некои од летовите од Град А до Град Б може да бидат откажани поради недостаток на гориво за авиони. Значи, два големи проблеми; Прво, високите цени и второ, достапноста на гас, достапноста на гориво за авиони, дизел и други,“ изјави Бирол.
- „Доколку (Ормутскиот теснец) не биде отворен до крајот на мај, многу земји, почнувајќи од послабите економии, ќе се соочат со огромни предизвици, а тоа ќе се движи од високи бројки на инфлација до бавен раст или дури и до рецесија во некои случаи. Затоа, се надевам дека пред крајот на мај ќе видиме дека Ормутскиот теснец ќе биде отворен.“
Бирол, исто така, се изјасни против таканаречениот систем на „наплатни рампи“ што Иран го примени на некои бродови, дозволувајќи им да патуваат низ теснецот за одредена такса.
Тој рече дека дозволувањето тоа да стане потрајно би го довела до ризик од поставување преседан што потоа би можел да се примени на други водни патишта, вклучувајќи го и виталниот Малачки теснец во Азија.
Б.С.