Претседателката Гордана Сиљановска-Давкова по повод католички Велигден упати честитка до Скопскиот бискуп и Струмичко – скопски епарх Н.В.П. монс. Киро Стојанов и до сите католички верници, посакувајќи им здравје, радост, љубов и среќа за празничните денови.
Претседателката истакна дека Христовото воскресение преку два милениума ја влева надежта и вербата во доброто и дека Велигден како празник над празниците треба да донесе мир, духовност и мудрост во овие тешки времиња.
Сиљановска-Давкова подвлече дека Исус Христос нè учи на емпатија, солидарност и толеранција, нагласувајќи дека животот е посилен од смртта, а светлината од темнината, и дека празникот треба да поттикне општеството да чекори напред по Божјиот пат.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.