Најмалку три лица се убиени во тешки руски напади со дронови врз украински Харков, соопштија властите во североисточниот град доцна синоќа.
Уште 15 лица се повредени, напиша градоначалникот на Харков, Игор Терехов, на Телеграм.
Дванаесет лица беа повредени, вклучувајќи две деца на возраст од 11 и 12 години, изјави регионалниот гувернер Олех Синихубов.
Пријавени се петнаесет напади во шест области на градот во североисточна Украина. Харков е оддалечен 30 километри од руската граница. Градот добро се држеше во првите недели од руската инвазија, но оттогаш е цел на секојдневни напади врз инфраструктурата и станбените области.
Во јужниот регион Дњепропетровск, во градот Марханец, две лица беа убиени во руски напади, објави гувернерот на тој регион.
Russian forces staged a ‘massive’ drone attack on November 23 on Kharkiv, Ukraine’s second-largest city, killing four people and injuring several others, officials said https://t.co/CnUVvagcJA pic.twitter.com/f9kImFtwl2
— Reuters (@Reuters) November 24, 2025