Почина градоначалникот на Општина Брвеница, Јовица Илиевски. Причините за смртта засега не се објавени.
Илиевски беше позната политичка фигура во Општина Брвеница, каде што ја водеше локалната институција во последните години. Тој беше оженет и татко на две полнолетни деца.
Неговата кариера беше поделена меѓу здравството, локалната политика и спортскиот менаџмент.
Од 1999 година до ноември 2021 година беше вработен во ЈЗУ Клиничка болница Тетово. Од 11 ноември 2021 година беше избран за градоначалник на Општина Брвеница за периодот 2021–2025 година. Претходно, во периодот од 2013 година до 2017 година беше член на Советот на Општина Брвеница.
Како голем вљубеник, беше активно вклучен во областа на спортот, беше поддржувач на голем број спортски настани и даваше големи придонеси во спортот.
Од 2001 до 2013 година учесвуваше во младите категории во Фудбалската федерација на Македонија (ФФМ), а од 2013 година до 2021 година беше член во младата репрезентација до 21 година (У21).
Од средината на 2021 година беше член во А-репрезентацијата. Исто така, од 2016 година па сè дотогаш беше потпретседател на Фудбалскиот сојуз Тетово.