СДСМ во овој момент е во трикратна, четирикратна криза, рече Гордан Георгиев од Форум за разумни политики во вечерашната дебата во „Вин-Вин“ на ТВ Телма.
„Првата е морална криза, ако сакате и криза на „што правиме понатаму, каде одиме“, втората е персонална, бидејќи гледаме дека има флуктуација на луѓе, излегуваат – влегуваат, го оспоруваат легитимитетот на лидерот, итн. и трета е идеолошка. Ако зборуваме за идеологија денес во 2025 година или криза на приказна. Но, СДСМ не е во егзистенцијална криза, според мене, и мислам дека не треба, не смее да биде во таква криза“, смета Георгиев.
Објасни и зошто го мисли тоа.
„Бидејќи во вака концентрирана моќ, во ваков домашен, регионален и светски контекст, на било која влада ѝ треба здрава опозиција и тоа не е флоскула. Бидејќи разумни луѓе од оваа страна, разумни луѓе од ВМРО-ДПМНЕ, од власта, и пристојни луѓе, не блефираат кога го велат тоа. Разумни луѓе повикуваат на таков тип на комуникација меѓу власта и опозицијата“, истакна Георгиев.
С.Д.