Мирно и без инциденти помина денешниот комеморативен собир во Нови Сад на годишнината од загинувањето на 16 луѓе по падот на бетонска натстрешница на железничката станица. На собирот беа илјадници луѓе од цела Србија. Во текот на целиот ден, во сите протестни зони во Нови Сад владееше тишина, без слогани.
„Студентите во блокада“ по 16-минутната тишина и вечерва објавија дека комеморативниот собир е завршен и упатија порака – „Се гледаме утре и секој друг ден додека не се задоволи правдата“.
На денешен ден пред една година во Нови Сад загинаа 16 лица, а едно девојче беше тешко повредено, кога се урна натстрешницата на реновираната железничка станица. Една година подоцна, кривичната одговорност за тој настан сè уште не е утврдена.
Натстрешницата на железничката станица во Нови Сад се урна на 1 ноември 2024 година во 11:52 часот претпладне и притоа загинаа 14 лица, меѓу кои четири деца на возраст од шест до 17 години, додека три лица беа тешко повредени. Меѓу загинатите беше и еден Македонец.
