Приколка од товарно возило се преврте на автопатот кон Гевгелија

Приколка од товарно возило се преврте на автопатот кон Гевгелија, пришто е причинета материјална штета, информираат од СВР Велес.

„Утрово во осум часот во ОВР Неготино било пријавено дека на автопатот Демир Капија – Гевгелија, после тунел Т-2, П.З., 58-годишник од Република Србија, управувајќи товарно возило „мерцедес“ со приколка со српски национални ознаки, изгубил контрола и приколката се превртела на коловозот. Во несреќата настанала само материјална штета“, велат од СВР Велес.

По извршениот увид, сообраќајот на тој дел од автопатот е нормализиран.

Фото: mia.mk