Дуелот на градските ривали кои се борат за самиот врв на табелата во ракометното првенство, Алкалоид и Вардар заврши без победник откако по шеесет минути игра двата тима постигнаа по 26 погодоци.
Бодот на Вардар му го донесе Милан Лазаревски кој успеа да ја погоди мрежата на противникот во последните секунди од мечот.
Најефикасен во редовите на Алкалоид со осум гола беше Мартин Серафимов, а пет пати прецизен беше Мартин Ивановски. Во редовите на Вардар прв стрелец со седум погодоци беше Вуко Борозан додека Лазаревски постигна шест.
ФОТО: Игор Паневски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.