Третина од фирмите кои Министерството за транспорт ги стави на листа за да им ги одземе лиценците поради неисполнување на услови, имаат блокирани сметки или се неактивни. Ова го покажува анализата на Центарот за граѓански комуникации. Односно 70 отсто од нив се активни другите не.
Во истражувањето се наведува дека од вкупно 479 компании кои се на списокот, всушност 426 ќе останат без лиценци, со образложение дека има фирми кои се повторуваат, а на други пак ќе им бидат одземени не една туку неколку лиценци.
Исто така, во анализата се наведува и дека околу 50 компании имаат актуелни договори за јавни набавки и тоа во вкупна вредност од 26 милиони евра. Но, само на половина од нив кои имаат важечки договор, лиценцата која ќе им биде одземена им е услов за добивање на тендерот.
Се наведува и дека најголем дел од овие фирми остваруваат ниски годишни приходи. Во сите овие компании работата вкупно 2.188 лица. Во 3 отсто од нив имаат повеќе од 10 вработени, а 4 проценти немаат вработени.
