ФИФА казни три македонски фудбалски клубови со забрана за трансфери во следните три преодни-рокови.
На црната листа на ФИФА повторно се најдоа Шкупи и Воска. Овие два македонски прволигаши не можеа да купуваат нови играчи во изминатиот зимски преоден рок поради идентична казна. Во меѓувреме, скопскиот и охридскиот клуб исплатија дел од долговите кон странските играчи поради кои добија казна, но очигледно не се решени сите финансиски проблеми па повторно добија забрана за регистрација на нови фудбалери.
На списокот на казнети македонски клубови се најде и женскиот фудбалски клуб Љуботен, кој исто така ќе има забрана за трансфери во следните три преодни рокови.
ФОТО: Игор Паневски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.