Фудбалерите на Абердин на гостувањето против ПАОК успеаа да освојат бод, но тоа не е доволно да се остане во трката за пласман во следната фаза од Конференциската лига на УЕФА.
Шкотскиот состав во Солун иако настапи во комбиниран состав на крајот успеа да одигра 2:2, а нашиот репрезентативец Бојан Миовски во игра влезе во 80. минута бидејќи менаџерот на Абердин, Бери Робсон реши да го одмори првиот избор во нападот и да го чува за неделниот дуел со Селтик.
Абердин на стадионот Тумба поведе со голот на Дук во 14. минута. Девет минути подоцна Таисон израмни на 1:1, а во 67. минута Мбвана Самата му донесе предност на ПАОК од 2:1.
Конечниот резултат го постави Џејми МекГрат на 20 минути пред крајот на натпреварот.
Со ваквиот епилог на средбата Абердин ги загуби сите шанси за влез во елиминациската фаза, а ПАОК заедно со Ајнтрахт Франкфурт ќе се бори за првото место
ФОТО: Игор Паневски
