Селекторот на Португалија, Роберто Мартинез, ќе се повлече од функцијата по завршувањето на Светското првенство. Шпанскиот стратег одби да го продолжи договорот со Португалската фудбалска федерација, и тоа без разлика на исходот од претстојниот Мундијал.
Главната желба на Мартинез е да му се врати на клупскиот фудбал, при што е особено заинтересиран за преземање на тим од англиската Премиер лига. Пред да седне на кормилото на Португалија, тој шест години ја предводеше репрезентацијата на Белгија.
Шпанскиот стручњак веќе има богато искуство на Островот, каде што тренираше три клуба: Свонси, Виган (со кој го освои ФА Купот во 2013 година) и Евертон.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.