Јавна тајна е дека Дејан Јованов Деко има заштита од луѓе во полиција и инспекциите и затоа не работеше како што треба. Беше многу алчен за пари и нè оптоваруваше со работа и не ни даваше ни да седнеме. Ова е дел од исказот на Ана Томева, кој е сведок на обвинителството и кој се читаше на судењето за пожарот во кочанската дискотека „Пулс“.
Томева не можеше лично да сведочи поради нејзината психичка состојба. Таа работела и во кафулето „Класик“ и во дискотеката, не била пријавена и добивала пари на рака, а фискалните сметки биле заменувани со нелегална документација која интерно се нарекувала „црни пари“. Вработените немале никаква обука за противпожарна заштита и спасување, ниту знаеле каде стојат ПП апаратите.
„Јас мислам дека Деко потплаќал и тие дојави од полиција и инспекција не биле за џабе“, сведочеше Ана Томева, сведок.
Додека пак при најавени инспекциски контроли, според Томева, вработените и дел од присутните морале да се претставуваат како гости за да се прикрие реалната состојба во објектот. Таа била присутна и кога некој телефонски му се јавил на Михајло, синот на Јованов Деко за користење на прскалките трагичната вечер и кажал дека тие не се согласни, но ДНК тоа го барале.
Сведокот Лина Крстева била чест постител на „Пулс“, а вечерта кога избил пожарот немало лица кои им помагале или ги насочувале.
„Видов еден полицаец кој само стоеше и не ни помагаше“, рече Лина Крстева, сведок.
По читањето на исказите се изведуваа материјални докази, меѓу кои и видео снимки од пожарот кои беа со вознемирувачка содржина.
Марија Митевска