Рускиот претседател Владимир Путин најави дводневен прекин на огнот на 8 и 9 мај по повод Денот на победата, но истовремено предупреди дека Москва ќе возврати со силни напади доколку Украина се обиде да ги наруши прославите.
Руското Министерство за одбрана ги повика цивилите и странските мисии да го напуштат Киев, што дополнително ја зголеми загриженоста за можна ескалација.
Украинскиот претседател Володимир Зеленски изјави дека не е праведно Русија да бара прекин на огнот додека продолжува со нападите, додавајќи дека Киев може да одговори „реципрочно“.
Тој не ја исклучи можноста за напади со дронови, вклучително и врз воената парада во Москва, што според него покажува дека руската моќ слабее.
Парадата на Црвениот плоштад годинава се очекува да биде со значително помал обем, без тешка воена опрема, што се поврзува со стравувањата од можни напади… Ситуацијата останува напната, а најавеното примирје неизвесно.