По синоќешното пукање на вечерата за дописниците од Белата куќа, американските новинари го запрашаа претседателот Трамп зошто вакви инциденти продолжуваат да му се случуваат.
Тие не ги напаѓаат оние што не работат ништо, бидејќи тоа го сакаат. Кога ќе ги погледнете луѓето кои или преживеале обид за атентат или биле убиени, сите се влијателни луѓе. Само погледнете ги имињата, големите имиња, не сакам да кажам дека сум почестен од тоа, но и јас имам направено многу.
Од летото 2024 година ова е четврт вооружен инцидент кој се случува во негова близина. Првиот, и најпознат беше класичен обид за атентат, кога во него беше пукано за време на митинг во градот Батлер, во сојузната држава Пенсилванија. Трамп се здоби со занемарлива повреда на левото уште, но едно лице од публиката го загуби животот. Застрелан беше и атентаторот.
Потоа, неколку месеци подоцна во септември во текот на кампањата, Трамп беше набрзина евакуиран од неговото голф игралиште во Палм Бич на Флорида, откако Тајната служба забележала вооружено лице во грмушките. И тој атентатор беше застрелан од агент на Тајната служба.
Последниот инцидент пред синоќешниот се случи во февруари годинава, кога исто така вооружено лице беше застрелано од претседателското обезбедување откако го пробило безбедносниот параметар на службите во приватната резиденција на Трамп во Мар а Лаго, исто така на Флорида.
Кој е Кол Томас Ален кој пукаше на вечерата на дописници во Белата куќа