Откако американскиот претседател Доналд Трамп изјави дека американските преговарачи ќе се упатат кон Пакистан на уште една рунда разговори со Иран, израелскиот премиер Бенјамин Нетанјаху, порача дека во врска со Иран постигнале голем успех и дека сè уште не е завршено, како и дека секој момент може да донесе нови случувања.
–Се наоѓаме во време на големи предизвици и големи последици. Вклучени сме со Соединетите Американски Држави во битка против Големата тиранија на Иран, која го тероризира светот, која се стреми кон наше уништување и се стреми да ги собори Соединетите Американски Држави, се стреми да ја собори западната цивилизација каква што ја знаеме. Постигнавме огромни работи. Сè уште не е завршено. И секој момент може да ни донесе нови случувања.