Американскиот претседател Доналд Трамп изјави дека лидерите на Израел и Либан денеска ќе одржат разговори, со цел да се намалат тензиите меѓу двете земји.
Тој нагласи дека САД се обидуваат да обезбедат „малку простор за здив“ во регионот, каде безбедносната состојба останува кревка по последните напади. Од Белата куќа ги демантираа информациите дека Вашингтон побарал продолжување на двонеделниот прекин на огнот со Иран, кој истекува следната недела.
Сепак, официјални претставници потврдија дека разговорите за можен втор круг мировни преговори со Техеран се во тек и ги оценија како „продуктивни“. Меѓувреме израелскиот премиер Бенјамин Нетанјаху изјави дека неговата земја е „подготвена за секое сценарио“, додека иранската војска се закани со можни напади врз бродскиот сообраќај во Персискиот Залив, Црвеното Море и Оманскиот Залив.