Националниот џез оркестар на Македонија ќе одржи концерт на 19 февруари, со почеток во 20 часот во Националната опера и балет (НОБ). На концертот, оркестарот ќе настапи со светски познатиот џез пијанист и органист Ренато Чико, под диригентската палка на маестро Џијан Емин.
Ренато Чико е музичар чиј уметнички израз се обликувал на њујоршката џез сцена во
90-тите години на минатиот век. Како член на оркестарот на Лајонел Хемптон и музички директор на „Џон Хендрикс&Компани“, тој делувал во самото јадро на американската биг-бенд традиција,
настапувајќи во реномирани џез клубови како Blue Note и Birdland.
На концертот ќе биде изведена програмата од неговиот албум „First Encounter – Organ&Big Band“, проект што ги поставува Хамонд оргулите во центарот на современиот биг-бенд
звук, преку оригинални композиции и специјално пишувани аранжмани.
Специјален гостин на вечерта е Енди Вотсон (Њујорк), тапанар со богата кариера на
американската џез сцена и соработник на ансамбли како Вангард Џез Оркестра и Тошико Акијоши Биг Бенд, чиј препознатлив израз претставува клучен елемент во звучниот
идентитет на овој проект.
Подолу линк од настап на триото на Ренато Чико: