Американскиот претседател Доналд Трамп остро реагираше на прашања од новинарка на Си-Ен-Ен за документите поврзани со Џефри Епстин, порачувајќи дека е „време државата да продолжи понатаму“. Инцидентот се случи во Овалната соба, по потпишувањето на закон со кој заврши делумната блокада на владата.
На прашањето дали во таканаречените „Епстин фајлови“ се спомнуваат министерот за трговија Хауард Лутник и милијардерот Илон Маск, Трамп одговори дека нема време за тоа. Кога новинарката инсистираше со прашање за жртвите, Трамп ја нарече „најлош репортер“ и ја обвини за лошо новинарство.
-Толку си лоша. Знаеш, ти си најлошиот новинар, не е ни чудо. CNN нема рејтинзи поради луѓе како тебе. Знаеш, таа е млада жена. Не мислам дека некогаш сум те видел да се смееш. Те познавам 10 години. Не мислам дека некогаш сум видел насмевка на твоето лице. Па, те прашувам за преживеаните од Џефри Епштајн. Знаеш зошто не се смееш? Затоа што знаеш дека не ја кажуваш вистината и дека си многу нечесна и треба да се срамат од тебе, изјави Трамп.