Нов протест со стари барања- итна реакција на надлежните или се почести блокади. Граѓаните повторно на улица за загадувањето во главниот град, а како еден од изворите ја посочуваат цементарница Усје.
Сметаат дека оваа компанија е најголем загадувач, а нејзино дислоцирање ќе значи и сериозно намалување на аерозагадувањето.
Усје и министерството за животна средина добија жолти картони од граѓаните.
Побараа и независен мониторинг на работењето на Усје, бидејќи како што истакнаа организаторите, тие немаат доверба во резултатите од мерењата кои самата фабрика ги прави и објавува.
Од цементарница Усје и денеска ги демантираа наводите дека тие се причината за загадениот воздух во главниот град.
Велат дека како компанија со А-интегрирана еколошка дозвола се под постојан мониторинг и дека резултатите од мерењата се јавно достапни.
Според нив, граничните вредности утврдени во дозволата на „ТИТАН Усје“ се построги од законските, а компанијата не ги надминува дозволените нивоа на емисии.
Додаваат и дека кога тие не работат, загадувањето во Скопје е високо.
Симона Петровска