Шефицата на европската дипломатија, Каја Калас, денеска соопшти дека Европската Унија одлучила да ги имобилизира сите руски средства на неопределено време.
ЕУ штотуку одлучи да ги замрзне руските средства на неопределено време. Ова гарантира дека до 210 милијарди евра руски средства ќе останат на територијата на ЕУ, освен ако Русија целосно не исплати репарации на Украина за штетата што ја предизвика, напиша таа на X.
Калас додаде дека Унијата продолжува да го зголемува притисокот врз Москва „сè додека не ги сфати сериозно преговорите (за прекин на војната во Украина)“.
Европскиот совет следната недела ќе биде клучен за обезбедување на финансиските потреби на Украина во наредните години, напиша таа.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.