Цените на суровата нафта втора недела по ред бележат умерен, но континуиран раст, при што WTI се тргува околу 60 долари за барел, а „Брент“ над 63 долари. Трендот се поврзува со геополитичките тензии и очекувањата дека американските Федерални резерви ќе ја намалат каматната стапка, што ја зголемува побарувачката за енергенси.
Дополнителен притисок врз пазарот создаваат нападите врз нафтена инфраструктура и тензичните односи меѓу САД и Венецуела, додека ОПЕК+ засега се воздржува од поголемо зголемување на производството, обидувајќи се да ја одржи ценовната рамнотежа.
За Македонија, ваквиот раст на берзите може во наредните недели да значи поскапи бензин и дизел, што би се одразило и врз трошоците за транспорт и инфлацијата, и покрај тоа што цените сè уште не се на високи нивоа.
Т.Д.
