Како никоја влада досега имаме двотретинско мнозинство, истакна градоначалникот на Чаир, Изет Меџити во интервју во „Директно“. Тој нагласи дека Села излезе од коалицијата АКИ, но кажа дека таму има и други превирања.
„Има индивидуалци што се наклонети и се приближуваат до мнозинството. Меѓу нив може да има и од ДУИ, бидејќи овојпат немаат чувство дека само изгубиле, туку ја изгубиле и надежта. Оти досега Ахмети ги држеше под тензија и со ветувања дека за три месеци се враќаме во влада, за шест месецви, па на локалните ќе победиме, па ќе предизвикаме предвремени избори. Сет тоа веќе го нема, нема никаква основа и веќе луѓето не веруваат на такви муабети, на такви тези и затоа се случува ова што се случува во нивниот табор. Најодговорно тврдам дека ова мнозинство и влада има и ќе има двотретинско мнозинство и Бадентер“, рече Меџити.
С.Д.