Вести Економија Македонија Топ вести

Зголемен број на впишани хипотеки во вториот квартал од 2025 година

Во периодот од април до јуни 2025 година се впишани вкупно 2.876 хипотеки врз недвижности со вкупна вредност од 551,5 милиони евра и 8,3 милијарди денари, покажува Извештајот за работата на Агенцијата за катастар на недвижности за вториот квартал.

Од нив, 1.522 хипотеки се запишани во Центарот за катастар на недвижности во Скопје, а 1.354 во останатите 29 одделенија низ државата.

Во споредба со првиот квартал, бројот на впишани хипотеки е зголемен за 280, што укажува на континуиран раст на хипотекарната активност.

Според податоците на Агенцијата за катастар на недвижности, бројот на впишани хипотеки врз недвижности бележи постојан раст во последните години.

Минатата година биле запишани 8.748 хипотеки во вредност од над 1,7 милијарди евра, додека во 2023 година биле регистрирани 7.844.

Паралелно, во третиот квартал од годинава во Регистарот на цени и закупнини се внесени 6.135 купопродажби на недвижности, што е за 580 повеќе од претходниот квартал.

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

Една шестина од населението во ЕУ се самци – извештај на Евростат

Sasko Dimovski

Доверба му изгласаа 58 пратеници, за смена се изјаснија 19 – Тошковски ја „преживеа“ и третата интерпелација во собранието

Sasko Dimovski

Дали Јанушев крие фирма во Бугарија – СДСМ бара истрага од Антикорупциска, од Владата велат се работи за инсинуации

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе