Налик на екоцид е видеото кое попладнево се појави на социјалните мрежи. Милиони пластични шишиња и отпад пловат на површината на реката Вардар во тетовско Копанце објави порталот „Тетово инфо“.
Како што се гледа на снимката реката е преплавена со пластичен отпад кој го загрозува биодиверзитетот на реката што може да предизвика сериозни последици од огромни размери.
Граѓаните на социјалните мрежи се гневни и предупредуваат дека ваквиот отпад ќе продолжи да се движи низ текот на Вардар и ќе стигне до Скопје, каде реката и таму е преполнета со ѓубре. Според нив, ситуацијата станува сè посериозна, а во наредните денови може да се очекува уште поголемо загадување, ако не се преземат итни мерки за чистење и контрола.
Т.Д.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.