Денеска треба да почене предавањето на 48 израелски заложници, од кои 20 се верува дека се живи. Хамас, кој ги држи заложниците од нападите на 7 октомври 2023 година, објави список со имињата на оние што ќе бидат ослободени. Во замена, Израел ќе ослободи 250 палестински затвореници и повеќе од 1.700 задржани лица. Толпи граѓани се собираат на Плоштадот на заложниците во Тел Авив, чекајќи вести за ослободувањето. Очекувано е и пристигнувањето на американскиот претседател Доналд Трамп во Израел, каде ќе се сретне со премиерот Бенјамин Нетанјаху и ќе се обрати пред парламентот. Потоа ќе отпатува за Египет каде ќе биде домаќин на самит со околу 20 светски лидери, меѓу кои и британскиот премиер Кир Стармер. На патот кон регионот, Трамп изјави дека „војната во Газа е завршена“, иако преговорите за следните фази од договорот меѓу Израел и Хамас допрва следуваат.
