Во Кривичниот суд денеска продолжува судењето против поранешните директори на Клиниката за онкологија, Нино Васев и Нехат Нухи, обвинети за злоупотреба на службената положба, измама и проневера. На денешното рочиште се очекува да сведочат вработени од клиниката кои ќе ги дадат своите искази за наводните неправилности… На претходното рочиште сведочеше медицинска сестра од Клиниката за онкологија која изјави дека во три случаи, кога имало недостиг на лекови, лично добила терапија од тогашниот директор Нино Васев. Таа ја опиша ситуацијата кога лекот „тецентрик“ не бил достапен во болничката аптека, но ѝ бил предаден од директорот во неговата канцеларија, во присуство на сопругата на пациентот… Медицинската сестра исто така сведочеше дека дозата на лекот била менувана во еден од извештаите, а при попис во 2022 година фалеле 90 ампули „гемзар“ и уште 40 ампули исчезнале од работната маса, случаи што биле пријавени и во полиција. Одбраната на Нехат Нухи на претходното рочиште постави низа прашања кои обвинителката ги оцени како несоодветни.
