Во Словенија, под врвот Тосц се најдени телата на сите тројца хрватски државјани кои беа зафатени со лавина за време на планинарска тура во Јулијски Алпи. Тројцата планинари се загинати, а според index.hr жртвите се браќа од градчето Каштел во Хрватска. Телото на еден загинат беше најдено синоќа, додека останатите двајца загинати се пронајдени утрово.
-Ги најдовме и двајцата преостанати планинари. За жал, загинати. Едниот се наоѓаше околу еден метар длабоко во снегот, а вториот на длабочина од 1,5 метар. Едниот е префрлен со хеликоптер, а за вториот се организира превоз и има потешкотии со времето и теренот, изјави Миха Арх, водач на спасувачката акција.
Планинарите го искачувале врвот вчера напладне кога по престанок на снежните врнежи се појавила планинска лавина. Загинатите биле на околу 1.800 метри надморска височина (врвот Тосц е на 2.275 метри надморска височина). Снегот ги носел младите Хрвати 150 и двесте метри, а силниот ветар нанел снег врз нивните тела.
Во потрагата, покрај спасувачките служби учествувала и словенечката војска. Хрватскиот министер за внатрешни работи отпатува во Словенија.
Dežurna helikopterska ekipa @Slovenskavojska je za potrebe reševalne akcije treh planincev pod vrhom Tosca, ki jih je preteklo nedeljo zajel snežni plaz, izvedla prevoze reševalcev in pri tem naletela pet ur. Z aktivnostjo nadaljuje tudi danes. pic.twitter.com/EtbsdjOIxk
— Slovenska vojska (@Slovenskavojska) October 6, 2025