Македонските производители имаат знаење и нудат квалитетни производи, но за да се пробијат на пазарот потребно им е брендирање и поголема промоција. Во малите гратчиња и населени места низ Македонија се среќаваат голем број ентузијасти-претприемачи кои долгогодишното искуство го пренеле во сопствените пчеларници, винарии, мали конзерваторски работилници.
Јани Томов од селото Тимјаник од Неготино вели дека имаат солидни површини под винова лоза и произведуват вина во сопствената мала винарија. Сметаат дека доколку државата повеќе посвети на нивна поддршка, многу пдообро ќе се живее од оваа гранка.
Томов денеска изложува на агросаемот во Струмица, заедно со десетици други производители од различи градови. Гости имаат и од соседните земји. Пчеларите од околината на Врање, Република Србија, донесоа пчелни производи, а ги споделија и проблемите кои како што велат, слични се со оние на колегите од Македонија.
„Пчеларите се во многу тешка ситуација. Пчеларството е земјоделска гранка што е директно поврзана со климатските услови. И сами знаете дека и земјоделците зависат од пчеларите. Мислам дека малку внимание им се посветува на пчеларите“, смета Стојан Цветковиќ, пчелар од Србија.
Стојан вели дека родот на пчеларите секоја година е помал, поради климатските промени. Во Струмица на саем доаѓа да размени искуства и информации, но и да разговара за соработка со тукашните пчелари. Организаторите на саемот велат дека тоа е и целта на настанот. Да се најдат на едно место трговците, производителите, а посетителите да ги запознаат домашните производи.
Агросаемот е настан што го слави земјоделецот и неговата улога во заедницата. Во Струмица се одржува петта година по ред.
Сузана Мицева