Стапија на сила повисоките царини на претседателот на САД, Доналд Трамп, кои се движат од 10 до 50 проценти. Според одликата, Македонија ќе плаќа 15 проценти.
Царината на САД започна со наплата на повисоките царини по неколку недели тензии околу конечниот износ на царините и преговорите со трговските партнери со цел нивно намалување.
Трамп воведе високи царини за голем број земји, вклучувајќи 50% за стоки од Бразил, 39% за оние од Швајцарија, 35% за Канада и 25% за Индија. Вчера, тој објави посебна царина од 25% за индиска стока, која ќе биде воведена за 21 ден бидејќи Индија купува руска нафта.
-Контратарифите стапуваат на сила на полноќ. Милијарди долари, претежно од земји кои со години ги искористуваа САД со насмевка на лицата, ќе почнат да се влеваат во САД, напиша Трамп на социјалната мрежа „Truth Social“.
Осум големи трговски партнери, кои сочинуваат околу 40% од трговијата со САД, постигнаа рамковни договори за трговски и инвестициски концесии, вклучувајќи ја Европската Унија, Јапонија и Јужна Кореја, и успеаја да ги намалат своите основни царински стапки на 15%. Велика Британија постигна 10%, додека Виетнам, Индонезија, Пакистан и Филипините достигнаа 19% или 20%.