Дојран е преполн за новогодишно-божиќните празници. Се бара место повеќе за престој покрај Дојранското Езеро. Градоначалникот Ангов вели дека има неколку илјади гости кои се сместени ова седмица во хотелските и апартманските капацитети, а очекува и вечерва посета на коледарските огнови.
Ангов смета дека цените за сместување, но и рестораните во Дојран се се уште конкурентни, па очекува дека трендот на посета ќе продолжи и во останатите месеци од зимата и рана пролет. Градот работи и на збогатување на туристичката понуда, може да се посети музејот, саат кулата, турската бања и други историски и културни споменици.
Прогнозите на туристичкото биро се дека во Дојран ќе поминат десетина илјади туристи до средината на јануари.
Сузана Мицева
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.