Владата на денешната седница донесе одлука да ги награди на кошаркарите до 18 години кои освоија злато на европското првенство – Б дивизија со три милиони денари.
Младите кошаркари имаа импресивен настап на турнирот на кој запишаа осум победи во исто толку одиграни натпревари. Во рамки на групата Ц ги совладаа селекциите на Ирска со 73:63 (по продолженија), на БиХ со 99:87, на Чешка со 94:86, на Кипар со 102:61 и на Украина со 83:72.
„Црвено-жолтите“ во четврт-финалето ја елиминираа Португалија со 71:42, во полуфиналето беа подобри од Бугарија со 92:68, а во финалето ја победија и Австрија со 98:88.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.