Вести Економија Најважни

Надоместокот од 200 денари за пристап до мрежа им пречи на оние со повеќе станови и фотоволтаици

Првиот регулатор Бислимовски со повик до малите фирми да го напуштат регулираниот пазар и со струја да се снабдуваат на отворен каде цената е пониска. Со ваквиот потег, освен што ќе имаат помали трошоци, ќе се намали и притисокот на цената на електричната енергија за домаќинствата.

„Сега кога е поевтина не гледам услови да седат на регулиран пазар тоа од друга страна ни прави притисок на цената на домаќинствата. Но, овие мали потрошувачи кафулиња, дуќани, нека си одат на слободен пазар ако не го искористат тоа прави никој не им е крив“, вели претседателот на РКЕ, Марко Бислимовски.

Откако Владата пресмета дека струјата на ЕСМ која е наменета за граѓаните треба да поскапи за 5 отсто, дел од експертите предложија да поевтини мрежарината. Бислимовски вели за сега тоа не може да се направи, но можно е да се случи во декември кога ќе се носи и нова одлука. Оваа ставка во сметките многу често чини повеќе од потрошената електрична енергија. Дел од експертите предлагаат и укинување на надоместокот за пристап до мрежа од 200 денари кој се воведе на почетокот од годинава. Бислимовски тврди ако се случи тоа ќе поскапи евтината тарифа.

„Имаме погодени експерти со 4 до 5 стана со фотоволтаици на своите куќи и јас не можам тука да им помогнам, но да се кажуваат невистини дека таков надоместок немало никаде во свет тоа е срамота“, додава Бислимовски

Одлуката на Владата е цената на струјата на ЕСМ за домаќинствата да поскапи од 57 на 60 евра за мегават час. Производната цена на електрани, пак, се движи околу 90 евра. Од друга страна, пак, ЕСМ повеќе не добива буџетска поддршка, па од тука се поставува прашањето дали без тие пари државните електрани ќе успеат да ја испеглаат оваа разлика. Загубите на компанијата за само три месеци се, речиси, 40 милиони евра, но наместо со пари, проблемите во компанијата се решаваат со препораки. Новата цена на струјата ќе се знае деновиве, а ќе важи од 1 јули.

 

Ирена Чачкова

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

Mерките и активностите на надлежните државни институции не се доволно ефикасни и ефективни за вклучување на жените од руралните средини на пазарот на труд

Дејан Дејан

Башким Бесими е нов заменик претседател на Советот на јавните обвинители, истрагата за неговиот претходник Мемети и врховнот судија Георгиев е на крај

Дејан Дејан

Новата Влада скрои рекорден буџет, планира да потроши речиси 5, 9 милијарди евра, ќе скокне и јавниот долг

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе