Uncategorized Вести Македонија Топ вести

Османи со автобус во кампања

По примерот на американските политичари, кандидатот за претседател на државата, Бујар Османи, кампањата ќе ја води од автобус со кој ќе ја обиколи државата. Симболично почна од пред Вила Водно, каде се надева дека ќе се пресели после изборите. Намерно, караванот му тргнува со симболиката на бројот 4, на четвртиот ден од четвртиот месец, 2024 година, на 4 годишнината од влезот на Македонија во НАТО, кој е и ден на основањето на Алијансата.

Пристигна директно од Брисел, од седиштето на НАТО, а кампањата ќе му биде фокусирана на тоа, мисијата да ја заврши во Европската унија, седнат на маса во европскиот Совет, како претседател на држава, полноправна членка до 2030 година.

Османи најави дека ќе води кампања на сите четири страни од државата, со цел да ги чуе барањата и очекувањата на граѓаните. Ќе ги претстави и неговите планови за тоа, како во наредните пет години државата да стане членка на ЕУ, а граѓаните да имаат светла и безбедна европска иднина.

Османи е кандидат на коалицијата наречена „Европски фронт“, која е составена од ДУИ, дел од Алијанса за Албанците, ДПА, Народно движење, Европска демократска партија, Демократска партија на Турците и Партија на Ромите.

Далиборка Демјанска Цветановска

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

Конференција во чест на 85 години од раѓањето на Ѓорѓи Марјановиќ на Правниот факултет во Скопје

Дејан Дејан

Предупредувачки протест на стопанствениците од индустриската зона Визбегово против изградбата на асфалтна база

Дејан Дејан

Палестина и Косово не се ист случај, Шпанија по признавањето на Палестина одговара за непризнавањето на Косово

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе