Министерот за економија денеска на владина седница ќе бара повлекување на предлог законот за новата когенеративна централа во Железара која треба да ја гради грчки Митичинеос, а кој е во собраниска процедура, дознава Телма. Според инфорамациите за овој стратешки инвеститор ќе се бара преговорите да почнат од почетокот. На некоја наредна владина седница пак министерот за економија ќе бара и повлекување на предлог- законот за изградба на централата во Пехчево.
Пред неколку дена од министерството за економија посочија дека договорите за стратешките инвестиции треба добро да се разгледаат затоа што меѓу нив има инвеститори кој ќе добијат повеќе видови државна помош и дека такво нешто нема во ниту една друга држава. Таков е случајот со грчки Митилинеос, кој освен загарантиран откуп на производството добива и дирекна државна помош од околу 50 милиони евра. Ова е една од причините проади што се бара предлогот да биде повлечен и одново да почнат преговори со инвеститорот.
Во однос на стратешките инвестициски проекти реакции имаше и од дел од експертите. Најмногу реакции има токму за грки Митилинеос. Нивните анализи покажале дека инвеститорот ќе се богати на сметка на штетата која ќе ја претрпи државата, струјата која ќе се купува од Митилинеос ќе биде по цени повисоки од берзанските. Сите стратешки инвеститори добиваат поволности од државата кои ретко може да ги ужива домашниот бизнис, тука е и ослободувањето од данок на добивка но и од други давачки.