Никола Јокиќ го водеше Денвер до победа од 120-108 против Портланд во рамки на НБА-лигата. Српскиот центар со 27 поени, 22 скока и 12 асистенции стигна до 15-тиот трипл-дабл сезонава или вкупно 120-тиот во кариерата. Сериозно се доближува до Меџик Џонсон, кој е на третото место на вечната листа во НБА за најмногу трипл-дабл натпревари со 138.
Лос Анџелес клиперс немаше проблеми против Детроит и славеше со 136-125, благодарение на 33-те поени на Каваи Ленард. Атланта го совлада Феникс со 129-120, а Тре Јанг ги водеше Хоукс со 32 поени и 15 асистенции. Кевин Дурент за Санс имаше 35 поени.
Голден Стејт му го нанесе четвртиот пораз во низа на Мемфис и тоа со 121-101 на гостински паркет. Џонатан Куминга со 29 поени беше најефикасен кај Ворирос, а Стеф Кари имаше 22 поени.
НА ОСТАНАТИТЕ НАТПРЕВАРИ:
Вашингтон – Мајами 102-110
Индијана – Сакраменто 122-133
Хјустон – Торонто 135-106
Минесота – Орландо 106-108
Оклахома – Шарлот 126-106
Сан Антонио – Њу Орлеанс 113-114