Во најинтересниот дуел утринава во НБА-лигата, Лос Анџелес лејкерс по две продолженија го совладаа тимот на Голден Стејт со 145-144. Натпреварот беше потсетување на епските пресметки помеѓу Леброн Џејмс и Стеф Кари. Овој пат Џејмс беше победникот, кој во самиот финиш погоди две слободни фрлања за победа и да го заокружи својот трипл-дабл со 36 поени, 20 скока и 12 асистенции. Стеф Кари за Вориорс имаше 46 поени.
Лука Дончиќ го запиша деветиот трипл-дабл сезонава со 28 поени, 10 скока и 17 асистенции, но Далас загуби на домашен паркет од Сакраменто со 115-120.
Лос Анџелес клиперс стигнаа до петтата победа по ред откако на Бостон му го нанесоа само вториот сезонски пораз на домашен паркет и тоа со 115-96. Каваи Ленард имаше 26 поени за гостите, додека Џејсон Тејтум постигна 21 за Селтикс.
Никола Јокиќ со 26 поени и 16 скока го водеше Денвер до победа од 111-105 против Филаделфија, во дербито на дното Вашингтон како гостин беше подобар од Детроит, Њујорк пред своите гледачи го победи Мајами. Победи остварија и Бруклин, Јута, Милвоки и Сан Антонио,