Саша Бои е нов фудбалер на Баерн Минхен, објави клубот утринава. Десниот бек доаѓа од таборот на Галатасарај за обештетување од 30 милиони евра, плус 5 милиони во бонуси.
Французинот, кој има 23 години, потпиша договор до јуни 2028 година. Бои играше во дресот на турскиот гигант од летото 2021 година, а во својата татковина беше дел од Дижон и Рен.
Баерн овој јануари очајно бараше нов десен бек, а првично преговараше со Киран Трипие од Њукасл и Норди Мукиеле од ПСЖ, но овие трансфери не се реализираа, па челниците на германскиот шампион се свртеа кон Бои.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.