Напаѓачот на мадридски Атлетико и репрезентацијата на Франција изјави дека посакува неговиот сегашен клуб да му биде последен во кариерата на тлото на Европа, а во блиска иднина планира да продолжи на некој друг дел од светот.
“Сакам Атлетико да ми биде последен на Стариот континент, а потоа ќе изберам понуда од некои други клубови. Во Атлетико се чувствувам прекрасно и немам потреба да ја менувам средината. Тешко е да се избориш за место во стартната постава бидејќи конкуренцијата е жестока”, изјави Гризман.
Триесет и две годишниот Французин, сезонава одигра вкупно 21 натпревар во сите конкуренции и постигна 14 гола, а договорот со Атлетико важи до 2026 година.
ФОТО: Игор Паневски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.