Нерешениот резултат во последниот настап од квалификациите за Европското првенство на фудбалската репрезентација на Македонија и донесе скок од едно место на најновата ранг листа на ФИФА.
Македонија овој месец ќе го мине на 65. место и се наоѓа пред селекциите на Јужна Африка и ДР Конго.
На лидерската позиција и натаму останува Аргентина пред Франција, а пласманот го корегираше Англија која сега е трета, а напредок бележи и Белгија која се наоѓа на четвртото место потиснувајќи го Бразил на петтата позиција.
Шеста е Холандија пред Португалија и Шпанија, а десетте најдобри селекции на светот ги заокружуваат Италија и Хрватска.
Од земјите во регионот Србија е на 34 место, Грција овој месец ќе го мине на 47-та позиција додека Словенија е 54-та.
Пад бележи и репрезентацијата на Албанија сега е 62-ра додека Босна и Херцеговина и Црна Гора се на 69. и 70 место.
ФОТО: Игор Паневски