Леброн Џејмс има само три порази во кариерата од тимот на Кливленд во кој мина 11 сезони во НБА-лигата. Утринава Лос Анџелес лејкерс славеа на гостувањето кај Кавалирс со 121-115, а Џејмс постигна 22 поени во 18-тата победа од 21 натпревар против својот прв тим во Лигата.
Ентони Дејвис беше најефикасен кај победничкиот тим со највисоки сезонава 32 поени и 13 скока. Донован Мичел се врати од повреда и постигна 22 поени за Кливленд, додека Џарет Ален имаше 21 поен и 14 скока.
Лос Анџелес клиперс ја кренаа формата и славеа против Далас со 107-88 за четврта победа на последните пет средби. Пол Џорџ го водеше домашниот тим со 25 поени, додека кај Маверикс, Лука Дончиќ постигна 30 поени.
НА ОСТАНАТИТЕ НАТПРЕВАРИ:
Оклахома – Филаделфија 123-127
Бруклин – Мајами 112-97
Вашингтон – Атланта 108-136
Јута – Њу Орлеанс 105-100