Во НБА-лигата утринава имаше богата програма од дури 14 натпревари. Правиме преглед само на најинтересните пресметки.
Далас ја запре победничката серија од три натпревари на Лејкерс и славеше во Лос Анџелес со 104-101. Лука Дончиќ ги предводеше Маверикс со 30 поени и 12 скока, а голема помош имаше и од Кајри Ирвинг со 28 поени меѓу кои и една клучна тројка во финишот. Кај Лејкерс, Леброн Џејмс имаше 26 поени.
Шампионот Денвер загуби на гостувањето кај Орландо со 124-119. Франц Вагнер со 27 поени ги предводеше Меџик до нивната петта победа по ред. Никола Јокиќ пак стигна до шестиот трипл-дабл сезонава, а вкупно 111-ти во кариерата со 30 поени, 13 скока и 12 асистенции.
Во дербито на Истокот, Бостон го победи Милвоки со 119-116. Џејлен Браун имаше 26 поени, а Џејсон Тејтум 23 за Селтикс, кои и натаму го имаат најдобриот рекорд во лигата со 12-3. Брук Лопез имаше 28 за Бакс, додека Демијал Лилард 27.
НА ОСТАНАТИТЕ НАТПРЕВАРИ
Шарлот – Вашингтон 117-114
Атланта – Бруклин 147-145 (продолженија)
Кливленд – Мајами 96-129
Индијана – Торонто 131-132
Хјустон – Мемфис 111-91
Минесота – Филаделфија 112-99
Њу Орлеанс – Сакраменто 117-112
Оклахома – Чикаго 116-102
Сан Антонио – ЛА Клиперс 102-109
Феникс – Голден Стејт 123-115
Портланд – Јута 121-105