Леброн Џејмс и на 38 години и натаму е еден од најдобрите кошаркари на денешницата, а тоа го докажа уште еднаш утринава во победата на Лос Анџелес лејкерс против Хјустон од 105-104. Тој постигна 37 поени, а ова беше петтиот натпревар сезонава со 30 или повеќе постигнати поени.
Бостон е во низа од шест победи по ред за да го задржи приматот најдобар тим во досегашниот дел од сезоната, а утринава го совлада Мемфис со 102-100 на гостински паркет. Кристапс Порцингис имаше 26 поени, додека Џејсон Тејтум реализираше 20.
Далас загуби пред своите навивачи од Сакраменто со 113-129. Домантас Сабонис со 32 и Деарон Фокс со 30 ги предводеа Кингс до шестата победа во низа. Лука Дончиќ имаше 25 поени за Маверикс, кои загубија втор натпревар по ред. Загуби и Денвер, кој пак го запиша третиот пораз на последните четири натпревари овој пат од Кливленд со 121-109.
НА ОСТАНАТИТЕ ДУЕЛИ:
Бруклин – Филаделфија 99-121
Торонто – Детроит 142-113
Индијана – Орландо 116-128
Јута – Феникс 137-140
Портланд – Оклахома 91-134