Македонската фудбалска репрезентација утре д 20:45 часот е домаќин на Англија во рамки на последното коло од квалификациите за Европското првенство 2024 година.
Очекувано интересот е голем и распродадени се речиси сите билети за овој фудбалски спектакл. Челниците на Фудбалската федерација на Македонија апелираат до сите навивачи да дојдат на нашиот најголем стадион „Тодор Проески“ во Скопје што е можно порано за да се избегнат гужви на влезовите.
Вратите на стадионот ќе бидат затворени 30 минути пред почетокот на натпреварот.
„Драги навивачи и поддржувачи на македонската фудбалска репрезентација,
Упатуваме порака со фер и коректно навивање да им помогнеме на „Рисовите“ да дојдат до позитивен резултат на утрешниот натпревар против Англија на Националната арена „Тодор Проески“.
Праќаме порака до сите кои ќе го следат натпреварот на Националната арена дека влезовите на стадионот ќе бидат отворени од 18:15 часот до 20:15 часот.
Навременото доаѓање на стадионот ќе биде од корист за сите бидејќи нема да создава метеж пред влезовите на Националната арена“, стои во објавата на ФФМ на социјалните мрежи.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.