Денеска на програмата се шест натпревари од 13. коло во домашниот фудбалски шампионат.
Фудбалерите на Работнички во пресрет на дуелот против Силекс имаат низа од четири порази во последните пет средби и токму на денешниот натпревар со Силекс ќе се обидат да ја прекинат низата и да се извлечат од опасната зона.
Во скоро идентична ситуација е и тимот на АП Брера, која благодарение на добриот старт во шампионатот е на петтото место, но последен пат на победа Струмичани се радуваа на 24 август. Денеска АП Брера и гостува Воска Спорт, а новиот прволигаш по два последователни нерешени резултати ќе се обиде да стигне до четвртиот триумф сезонава.
Во останатите два натпревари што ќе се одиграат попладнево Тиквеш е домаќин на Гостивар, а Брегалница пред своите навивачи во Штип ја пречекува Македонија ЃП.
Двата дерби дуели ќе се играат утре. На стадионот Чаир, Шкупи ќе се соочи со Вардар додека шампионот Струга за противник ја има Шкендија.
Сите натпревари почнуваат во 13 часот.
ФОТО: Игор Паневски