Познати се првите полуфинални двојки на последниот тениски Гренд слем во сезоната. Најголемото изненадување се случи на машкиот дел од турнирот. 47-от играч на светот, 22 годишниот Бен Шелтон во четвртфиналето во четири сета со 6:2, 3:6, 7:6 и 6:2 триумфираше во соочувањето со десеттиот носител Франсис Тијафо, а противник во полуфиналето ќе му биде Новак Ѓоковиќ кој за нешто повеќе од два и пол часа со 3:0 го елиминираше нивниот сонародник Тејлор Фриц.
Кај дамите во првото полуфинале ќе се соочат Каролина Мухова и Кори Гоф. Чешката тенисерка ќе се обиде да стигне до второто Гренд слем финале откако забележа победа во соочувањето со Сорана Кристеа на која и препушти само три гема. Шестата фаворитка Гоф пласман меѓу четирите најдобри обезбеди по елиминацијата на Јелена Остапенко со 6:0 и 6:2.
ФОТО: Игор Паневски