Фудбалската репрезентација на Македонија до 21 година ги почна подготовките за почетокот на новиот циклус на квалификации за претстојното Европското првенство.
На стартот нашата селекција ќе се соочи со двата фаворити за највисок пласман Шведска и Холандија, но во редовите на македонската репрезентација веруваат дека може да се направи изненадување.
“Изминатиов период имавме можност да одиграме голем број на контролни натпревари што ни беа од голема корист за подобрување на нашата игра. Генерално сум задоволен од тоа што го прикажавме на овие натпревари против силни репрезентации. Но квалификацискиот циклус е нешто сосема поразлично и поважно. Треба сите максимално да ја оправдаме довербата која ни беше дадена од селекторот и неговиот стручен тим. Мислам дека треба, а и редно време е повторно да ја израдуваме нашата нација со добри игри, позитивни резултати и пласман на уште едно големо натпреварување. Свесни сме сите дека нема воопшто да биде лесно против Шведска, но искрено верувам дека се ќе зависи од самите нас, нашиот пристап кон натпреварот. Доколку истрчаме на терен со ладни глави, ако функционираме како еден тим, се бориме за секоја топка на теренот и ги слушаме инструкциите на стручниот тим, сигурен сум дека можеме да се вратиме во Скопје со сите три освоени бода”, изјави голманот Марко Алчевски
ФОТО: Игор Паневски