Познати се сите четвртфинални двојки на Светското првенство во кошарка што се одржува во Јапонија, Индонезија и Филипини.
По денешните натпревари од Главната рунда осум селекции остануваат во трката за трофеите. Репрезентацијата на Шпанија е совладана од Канада со 88:85 и нема да има шанса да го брани златото додека Литванија успеа да направи подвиг и триумфираше над селекцијата на САД со 110:104.
Во директен дуел за пласман во четвртфиналето Србија забележа убедлива победа од 112:79 во соочувањето со Доминиканската Република, а Германија славеше над Словенија со 100:71.
Најголемата сензација на првенството Летонија успеа да се пласира меѓу осумте најдобри откако триумфираше над Бразил со 104:84.
Во последните три средби Италија забележа победа од 73:57 во дуелот против Порторико, Австралија ја совлада Грузија со 100:84 додека Црна Гора славеше над Грција со 73:69.
Во вторник во првиот дел од четвртфиналните дуели се среќаваат Србија – Литванија и САД – Италија додека за в среда закажани се мечевите Германија – Летонија о Канада – Словенија.
ФОТО: Игор Паневски