Само 24 часа по официјализирањето на позајмицата на Жоао Феликс, тренерот на Барселона, Чави демантира дека во текот на летото се противел младиот Португалец да биде дел од неговата екипа.
“Тоа е играч кој целосно и одговара на нашата игра. Отсекогаш ми се допаѓал како играч. Тој има вроден талент, може да игра како централен, но и страничен напаѓач. Со неговото доаѓање, а и со ангажирањето на Жоао Кансело добивме дополнителен квалитет”, изјави Чави.
Со оваа изјава тој сакаше да ги демантира шпекулациите во шпанските медиуми дека во ниту еден момент не се согласувал со идејата на претседателот Жоан Лапорта, Феликс да пристигне на Камп Ноу.
ФОТО: Игор Паневски