Репрезентацијата на Холандија во дуелот против Полска забележа пораз од 3:1, но првата ѕвезда во тимот Нимир Абдел Азиз си обезбеди место во историјата на големите репрезентативни натпреварувања забележувајќи најголема брзина на еден сервис.
Холандскиот репрезентативец во текот на првиот сет при резултат 15:14 сервираше со брзина од 137 километри на час што е нов рекорд на светските и европските првенства.
Досегашниот рекорд беше во сопственост на Полјакот, Вилфредо Леон кој има сервис од 136 километри на час забележан за време на еден натпревар од Светската лига на нации.
Леон е апсолутен светски рекордер со сервис од 138 километри на час забележан за време на настап за својот клуб Перуџа.
ФОТО: Игор Паневски